аяқ киімдік былғары

Қасаң және жұмсақ былғары түрінде болады. Аяқ киімнің үстіңгі бөлігіне жұмсақ былғары, ал табан бөлігіне (ұлтан, өкше, сірі өкше т.б.) қасаң былғары жұмсалады. Қасаң былғары ірі қара мал терісінен жасалады, өңделмеген терінің орташа салмағы 23—26 кг-нан кем болмайды. Жұмсақ былғары қой, ешкі, бұзау, тана, құнажын, жылқы терілерінен жасалады. Ешкі терісінен жасалған былғары өте жұмсақ келеді. Одан күнделікті киетін аяқ киім тігіледі. Қой терісінен жасалған былғары босаң болады, аумағы 50—100 дм2, қалыңдығы 0,6—1,2 мм, оны көбінесе аяқ киімнің астары үшін пайдаланады. Бұзау терісінен жасалған былғарының аумағы 65—70 дм2, қалыңдығы 0,5—1,5 мм, тана терісінен жасалған былғарының аумағы 132 дм2, құнажын терісінен жасалған былғарының аумағы 180 дм2-ге дейін, ал қалыңдығы сапалы болатындықтан одан жылы етіктер мен сәнді аяқ киімдер тігіледі. Жылқы терісінен жасалған былғарының орташа аумағы 400 дм2, ол мықты болады.